I wneud yn siwr bod pawb yn cael chwarae teg, gofynnwn i chi beidio ag anfon mwy na thri chwestiwn mewn diwrnod.
Ni allwn gynnig cyngor, dadansoddi, na rhoi barn. Er enghraifft, ni allwn ddelio â materion cyfreithiol na rhoi barn feddygol. Dim ond ymdrin â chwestiynau y gellir cael ateb ffeithiol dogfennol iddynt y medrwn ei wneud.
Bydd gwybod ychydig mwy am y rheswm dros ofyn eich cwestiwn yn help i ni ddod o hyd i'r ateb cywir. Rhowch wybod i ni:
Peidiwch â disgwyl i ni wneud eich prosiect neu eich traethawd ar eich rhan! Gallwn gynorthwyo drwy eich cyfeirio at y ffynonellau o wybodaeth i'ch helpu gyda'ch ymchwil, ond eich gwaith chi fydd dehongli'r wybodaeth ac ysgrifennu eich traethawd yn y modd y mae eich athro yn ei ddisgwyl.
Weithiau cawn gwestiynau sy'n gofyn i ni am gymorth i ddatrys problem gyda chyfrifiadur. Ni allwn roi cymorth o'r math hwn. Os oes gennych broblemau gyda'ch cyfrifiadur mae'n well i chi geisio cymorth gan gyflenwr y caledwedd neu'r meddalwedd neu i edrych ar eu gwefannau.
Ni allwn ateb eich cwestiwn os nad ydych wedi rhoi eich cyfeiriad e-bost cywir i ni. Sicrhewch fod gennych gyfeiriad e-bost sy'n gweithio cyn i chi ofyn y cwestiwn ac yna gwnewch yn siŵr eich bod wedi ei roi i mewn yn gywir unwaith eto.
