Mae AskCymru arlein unwaith eto. Mae'r trafferthion technegol sydd wedi effeithio'r wefan yn awr wedi eu datrys. Ymddiheuriwn am gyfnod heb wasanaeth.

Mae gennym dîm o dros 50 o lyfrgellwyr a gweithwyr proffesiynol gwybodaeth hyfforddedig sydd â mynediad uniongyrchol at adnoddau llyfrgelloedd prifysgolion a cholegau, a llyfrgelloedd cyhoeddus ledled Cymru. Waeth beth yw testun eich ymholiad, gall ein tîm ddod o hyd i'r ateb neu eich cyfeirio at ffynonellau a fydd yn eich helpu.

Mae llyfrgelloedd cyhoeddus a llyfrgelloedd prifysgolion a cholegau ledled Cymru, ynghyd â'r Llyfrgell Genedlaethol, yn cydweithio i ddarparu gwasanaeth Ask Cymru. Pan fyddwch yn e-bostio eich cwestiwn, caiff ei gyfeirio'n awtomatig at un o'r llyfrgelloedd sy'n cymryd rhan. Bydd y llyfrgellwyr yn chwilio'r adnoddau sydd ar gael iddynt, gan ddefnyddio eu sgiliau a'u profiad - yn electronig ac ar bapur - er mwyn dod o hyd i'r ateb. Yna byddant yn anfon e-bost atoch o fewn 48 awr yn ymateb i'ch cwestiwn.

Croesawn gwestiynau gan ddisgyblion ysgol a darlithwyr prifysgol; gan ddatryswyr croeseiriau a myfyrwyr ymchwil. Gan mai gwasanaeth Cymreig yw Ask Cymru, rydym yn arbennig o gymwys i ateb cwestiynau am Gymru a phethau sy'n ymwneud â Chymru. Fodd bynnag, mae ein hadnoddau'n cwmpasu'r ystod cyfan o wybodaeth a byddwn yn falch i ateb cwestiynau ar unrhyw bwnc.